What is MEUS?
MEUS a ki ci bang a hiam? November 2007 aa kipan, Muizawl Soceity sung ah, a ong dawk khia khat hi in, bang hi peuh mah ding a hiam ci'n, ngaihsutna tampi om kha mah ding hi. Man hi. MEUS pen, Muituivon Education Uplift Society cih nopna hi. Tuun sung khat piang Muituivon momno sanggam vekpi te ii pilna lap sang to' nopna in, MEUS ngimna bulpi kip a hi hi.
What is world wide?
World = leitung, Wide = Zaai, A zaai mahmah leitung pen, Globalization hun ah, khuano khat a bang ong suak ta lel hi. A hang tuamtuam te tawh, tuun sung khat piang Muitui vontawi te zong, mun tuam, gam tuam, a gamla a nai, tuipi gal cih teng ah I ki theh thang kawikawi ta hi. Bang zah ta in, I om na mun te, I laihlaih phial zong in, I pian na mun lui te ki laih thei tuan lo hi. Tua in, Pasian ong gel saksa a hih man in, nial theih hi lo in, I san kul hi. I teeng na mun te kongzing kigamla mah ta leh, MUIZAWL sung ah pumkhat I hih na , I lungtang ah I pom den tawntung hi. Muitui Vontawi te, ki pumkhat ki thu tuah nang a hanciam kulkul lai te hi lo in, Muizawl I hih nak leh a ki pumkhat khin sa te I hih man in, leitungbup World Wide aa Muizawl te ki pum khat na in, a neuno leitung ah, a zaitak aa muhkhiat theihna ki paat na hi ta hi. World Wide Muizawl te, world wide Zomi te khuavak I hi ding hi. Muizawl khuavak in, Zomi khuavak hi pah hi.
0 comments:
Post a Comment