Preface
MEUS Annual Audit pen, a (1) vei hawm khiat na a hi hi. A masa penpen in, MEUS nasepna a patna a lai zang, a tawp na dong, ong om pih tawntung, ong makaih tawntung I Biak Topa tung ah, lungdam ko masa hang.November 2009 aa ong kipan khia MEUS nasepna te tawh kisai, MEUS tanu pawl in, kum (1) tawntung nasepna te ong et kik tak uh ciang in, khan' to na tampi ong mu khia uh aa, hih laibu pen tua teng khempeuh kaihkhopna a hi hi.Midang te in, mipi phat tuam na ding, lungtupna lian pi tawh, a nuntakna te uh pia khia liang in, na sem uh aa, gilbeem sung ah kum (65) bang khuum cip thuak lian uh hi. Midang te in, a innkuan sung vai bek hi nawn lo in, gam sung aa om mipi khempeuh aa ding, minam veina te tawh a ong kalsuan lai tak in, ei Muizawl vontawi te in, a dang tampi zong ci kei ni, I innkuan sung vai beek sep ngam lah huai het lo a hi hi. A hi zong in, na sep taktak ding ciang, a mimal in ong hamsa mahmah mawk hi. Zalom 21 sung ah, Muizawl vontawi te zong, Topa thupha I sang aa, muntuam gamtuam, tuipi gal teng ah I ki thehthang hi. I tun na munmun tek pan, nuntaakna ol hi tuan sam lo hi cih pen, ki tel hi. I dinmun te en kik le hang, “A SEP SAK TE I HI AA, A SEEM SAK TE I HI KEI HI.” Pilna, ciimna theihna tawh laikung tawi aa nasem I hi kei aa, ngap ta leng ngap ta kei leng, I tha I ngal tawh, khitui naptui, khua ul sisan tawh I nuntakna ding I khuat ong kul hi. Hih bang dan gentheih hamsat na te pan in, PILNA (EDUCATION) ii thupiit na ki tel semsem in, lung-gulhna te lian semsem hi. Tua a hih man in, khanthak momno te PILNA ong neih ding uh, ki lunggulh sak mahmah aa, sep theih, sep mawh, sep zawh sunsun tawh sep zawh tantan sem ding cih ngaihsutna nei te ong ki suktuah theih na pan in, MEUS ong piang khia a hi hi.Hih MEUS Annual Audit pen a (1) veina a hih mah bang in, laibu tawh kisai, thanemna, kicinglo'na, kisaapna tampi om ding hi. Mailam kalsuan na ding te ah, picing theih semsem na ding in, a kua ma peuh in, ngaihsutna ong pia ciat un ci-in, ong thuum nuam ingh.
Nicholas Pau
Secretary
MEUS
MEUS
0 comments:
Post a Comment