MUITUIVON EDUCATION UPLIFT SOCIETY

Sunday, April 10, 2011

It Na Tawh

Posted by MEUS at 11:02 AM

It Na Tawh

By Thomas Piang(MIMOU)

It na tawh khut i ki let ciang... , ( Lungsim sung tak pi tawh )
It na tawh thu na gen ciang..., ( Deih sak na tak pi tawh )
It na tawh thu na hilh ciang..., ( Ngaih na tak pi tawh)
It na tawh lai na gelh ciang..., ( Vei na tak pi tawh)

Bangzah tak in manpha ahi hiam...?

IT Na (Loving)

Leitung ah Itna nei kei leng, Pasian i upna in bang ahi hiam! ? Itna nei keileng Pasian thu i gente bang a phattuamna a om diam! ?

Itna nei keileng Innkuan khat i hihna bang a phattuamna a om tam..!? Itna nei keileng Unau lai guizom ihih na bang anoptuamna a om diam..!?

Itna nei keileng i nuntak na in a mawkna pi a hi maitam maw!? Itna nei keileng i pil i siam na, i neih i lamte'n, i innkuan pihten ong noptuampih tuan diam?

Tua ahih man-in itna in, na khempeuh gawmtuah aa pum khat suaksak thei pan ahih man-in, ei khang thak Muizawl ta ten khat leh khat ki it aa ma i suan khawpnang a masa pen in thupi kasa hi.

Itna i neih man in, vei na ong piang aa veina hang in, piaknopna in ong sulzuihto aa, piaknop natek i ki tuahsakteh sep khop na ongpiang ahi hi.

SepKhawp Na (Working Party)

Khat leh khat i ki it-nak leh sep khawp nop na lungsim ong suak in, i sepkhawp man-in nalian pipi te i zo pan ding ahi hi.

“ Giving hands, Can make a different ”, ci-in mikang te kam(paunaak) a om mah bang in, i khut te ki len in ei hih theih na tek pan sutuah in mapangkhawm peuhleng Muizawl tate minuaiah omtuanlo ding hihang cih kei lamet na(upna)hi. I hih theih namuntek pan ei mai aa ma a napangsa te panpihtek zawh nang hanciam ni.,

If you have a penny and I have a Penny And we exchange pennies, You still have one cent and I still have one cent.

But if you have an idea and I have an idea And we exchange ideas, You now have two ideas And I now have two ideas.

By Unknown

Pil Na ( Education)

Itna, veina, piaknop na, sepkhop na te i neihhang pil na neikeileng, i khantoh, i ki thutuah, khat leh khat i kizahtak zah ding ki neizolo ding hi. Tua ahih man, ei khangthak momnote pilna - siamna lam ah, hih theih zahzah aa pattahding thupi kasamahmah aa, khangthak momno akua mahpeuh in pilna - siamna mah, i thu pitsaknang itna tawh kong zawnnuam phapha hi.

Itna tawh.....!

Sunday, March 20, 2011

Nidang Neino leh Tuhun Neino

Posted by MEUS at 5:33 PM

MEUS ANNUAL AUDIT PART VIII

Articles, Views, and Opinions

Nidang Neino leh Tuhun Neino

By Thangneu(Simheisa)

Ni dang.... Tawpi khutsung pan Nei No lak kik zawh na ding in, Nei No's khuapih tangval teng Taksih ngansagih lomh ki dem mah ta leh..

Tuhun.... Nei No ciang, Nan Tal(Yettaw) in, Inya tui zamh(pek) tan aa, Nei No(Su Kyi) innsung ong tung mawk hi.

Nidang... Tawpi sabeng a tun maa in, Nei No in, Nan Tal phek hual tawh zial in, khinpi tung ah, koih mah ta leh....

Tu hun..... Nei No in, Tawpi a pai ma in, Nan Tal phek hual tawh na zial man lo, zial sawm lo mawk hi.

Nidang....Nei No in Nan Tal a ciah zui nuam in, a zu neih teng luup aa, Tawpi kham sak bikbek in, Tawpi ihmut kal in gel khia vingh vingh mah ta le uh,
Tuhun.. Nan Tal in, Tawpi khut sung pan, lak khak sawm hi lo in, hunsia ong tung kha ding hi cih, ahilh khol nuam bek ci hi.

Nidang...Tawpi zukham a ven ciang, Nan Tal leh Nei No delh ding in Khuaimuu len in leng aa, Nan Tal le Nei No a ciah na lam uh tungtun pangh aa, sun siah a nek lai tak un, pha hi.
Tu hun... Tawpi Khuaimuu len in len kul nawn lo aa, Nan Tal leh Nei No innsung ah bumekpah uh aa Insein gilbem maw?gil zawl maw den na pah hi.

Nidang.. Nei No hun in, Pasian leh Lungzai ki kum uh aa,"Mi liam i gum zaw diai, sa liam i gum zaw diam? Cimah ta leh,

Tu hun.. Nei No ciang Pu Ban Ki-moon(UN Sec) ong pai mah ta leh kilamdang lo hi.Tawpi leh ami te tawh ki mu kha bek lo hi.

Nidang..Nan Tal in a namsau dok in, Tawpi vat lum zo mah ta leh,
Tu hun...Nan Tal pen Tawpi in gilbem maw gilzawl maw ah kum sagih khum zawsop hi.

Nidang..Nan Tal ih mut kal in, Phucil in Nei No na khah suah mah ta leh,

Tuhun.. Phu Cil (Jim Webb) . Aug 16,'09 Ni-in Kawlgam pan in, Nan Tal na ciah khiat pih thei hi.

Tuhun...Nei No bel a Pa'(Aung San) mai tang zahtak na tawh, gilbem pan la khia in, a innsung ah khum cip aa, kha sawm leh giat acin ni, November 13, 2010(Satuday) ni-in Ak khum khah khak bangh in tuhun Nei No(Suh Kyi) ong pu suak khelkhel hi..

Tuhun Nei No' mailam ding ngaihsut sak ciang dip kua kawmkawm in....

By MEUS World Wide

Sunday, March 6, 2011

Leitung Thupha, Vantung Thupha

Posted by MEUS at 9:47 AM

Leitung Thupha, Vantung Thupha!

By Thang Zam Lun

Leitung i nuntak hun tom no bekbek sung in, leitung thupha i lunggulh tek hi. Ei, Christian thuum mi ten, leitung thupha bek hilo, Vantung thupha zongh lunggulh thuah in, Pasian bia, um, lamen in, thu i ngen ngen hi. Leitung thupha (hauhna, lungnopna, khantohna, thuphangahna, kithutuahna, ki-itna, ki-lemna, mavan daupai na , etc…) bang ci dan in, ki ngah thei ding hiam? Ci'n, ka lung ngai thei zel hi. I lungsim puak, i ngaih sut zia te, picing sak, zai sak ding, kisin leng, cih ka lungsim ah hong suak khia hi. Apicing lungsim nei ih hih nang in, khat leh khat ki it-na te, ki lah siam aa, ki thupi sim siam in, i Nu tek I Pa tek te aa ki pan, zahtak bawl, lung kim sak siam leng, i leitung thupha ding hong luang khia pan ding in, ka lam en hi.

Tu hun ciang in, nuntak hamsat luat na hang a hiam? Atha hat ,a ngal hat zaw deuh, sum leh paai a zong zo zaw deuh, avan zo zaw deuh ding te bek mah, zahtak bawl, ki thupi sim aa, a angsung noptuam ngah nang khop a om nak leh tua lam ki tawn sak in, ma i suan to to aa, i khan toh zah ding leh thupha i ngah zah ding taan lawh leng, ki lawm ka sa hi.

Taanglai mipil te, misiam te, mi hau te, a khang a khang aa, a thupha ngah mi te cih pen, Laisiangtho sung pan ahi zong in, leitung thu pan ahi zong in, I sim kha thei zel hi.Tua mipil te en leng, lungsim toi nei mi te na hi lo in, a lungsim uh zai sak in, a picing mi, a ki niam khiat mi, thupha bawl mi te, na hi hamtang uh hi.

Tua ahih man in, ei Muizawl vontawi khangno te, i khan toh na ding, leitung thupha i san na ding in, i lungsim te picing sak aa, (not narrow minded) ki niamkhiat in,ki it,ki thupi sim siam aa, i Pu tek i Pi tek te aa kipan, a zahtak huai i mi pil thupi te zahtak siam aa, it na lah siam leng? Khat leh khat ki it na te hong khang in, khat leh khat thupha ki pia, thu ki nget sak leng? I lungdam ni in, lungdam khawm in, i dah ni in, dah khawm leng, i vekpi in, a hau a zawng, a neu alian cih hong om lo ding aa, i lungsim te zai sak, ki level sak leng, Pasian deih na a zui i hi pah aa, leitung thupha bek tham lo, vantung thupha i cihcih gamh ih luah zom paisuakto ding hi ci'n, ka lam en hi.

“ Ngaih sut na, muh na, lam et na te, laisim mimal khat ciat ii, ngaihsut na tawh aki tuak kei leh hong ngaihsak siam un.”

By MEUS World Wide

Saturday, February 19, 2011

Posted by MEUS at 9:30 PM

Khan'to Nading a Kisam Lungsim Siangtho Ki Pumpiak

By Lian Khual

Innkuan khat a hi zong in, ki pawl na khat peuhpeuha hi zong in, pawlpi khat peuhpeuh a hi zong in, khua khat peuhpeuh a hi zong in, gam khat peuhpeuh a hi zong in, a khan'to nang, a ci dam nang, mi a phak nang, leh a tha hat nang in, a sung aa om mimal nih leh thum in ki pum piak na sep khiat na in a ki sam thu khat a hi hi. Hih ki pumpiak na ah, ki pumpiak na man tak a om kei leh tua innkuan, tua pawlpi,tua ki pawlna , tua khua, leh tua gam te zawng khal in, tha nem uh aa, tha zawm in, mai tai zo lo aa, mai gum in, khang to zo lo aa, kiamsuk zaw thei lai hi.

Innkuan sung ki pum piak na

Tulaitak khua hun pen, “ i gam sung kiukna hang maw..? A hih kei leh, Pasian daan hang maw? “ cih i thei kei hi. (Pasian in thei ding hi) I gam i lei ah nuntak hak sa in, khawh sa ki kham zo lo, kha sum ki khom lo, sum zon pai bawl ong lem lo semsem, innkuan sung nuntak zia pen ham sa semsem a hih man in, innkuan sung nun tak nang, ta te in, a hi thei bang in, mun dang gam dang mi gam mi lei ah, pau leh ham ki bang loh na mun ah, i khua i tui pan pai khia in, sum tam zawk na Lusei gam a hi zong in, kawlgam vaigam, tuipi gal dong ah ham sa pi tak in, ih innkuan aa ding, ki pumpiak in, i pau theih loh pipi pau sin tawm, ih sep ngei loh pipi na sep te sin tawm in, hanciam tak in sin tawm phu tawm in, i ki pat khiat ciang in ih ngah sunsun pek khat pek nih te, ih innkuan mah ih nu ih pa i sanggam te nek leh dawn ding ci in, i khen taitai ciang bek mah in, ih innkuan sung nek leh dawn tawmtawm in ong lem thei pan cih a hi hi.Hih mun ah ki pan khia ngam lo in a hih kei leh ih na sep na gam te khua te ah a mau te nun tak bang in nung ta in innkuan pih zi leh ta aa ki pan sang gam nu leh pa ngaih sun lo in mi zat bang in zang hi leng ,innkuan sung bang phat tuam na a om zen nam cih a lung ngaih huai thu hi aa, a tom in innkuan sung khan toh nang pen khat leh nih teitei in, ki pumpiak na ki sam teitei cih ong phawk sak hi.

Hih innkuan sung mah bang in, pawlpi sung, khua sung, gam sung i khan toh nang, khangno a kua ma ciat aa ki pan, nu leh pa, a ham a mui cih om lo in, a ki pumpiak, a ki piakhia ngam, a ki pan khia ngam, a ki sin ngam, a sem ngam, ham sa ta leh a lung kia lo, ki tel sin sen aa a phu ngam mi tampi ih ki sam hi .Lungsim siangtho tak tawh tel sinsen aa a ki pumpiak ngam i om kei leh i innkuan aa ki pan,pawlpi, a khua, a gam dong ah, i khang to ngei kei ding hi.

Thu khup na

Thu man thu tak tawh sep ding sep loh ding khen tel siam aa, gam leh minam, Pasian aa ding, guh tui kang dong in ,a ki pumpiak ngam, a phu ngam, a sem ngam, a pau ngam, lung sim siangtho a nei khang no tam pi i ki sam hi.

Lai sim mi mal kim Topa'n thupha ong pia hen la, gam leh minam, khua leh tui, pawlpi leh innkuan sung aa ding, lungsim siangtho sinsen ki pumpiak nop na lung sim te a thak in ong guan ta hen. Lung dam.

Saturday, February 5, 2011

MEUS Nasep Sa Te

Posted by MEUS at 4:30 PM

MEUS Nasep Sa Te

January, 2010
AEC ( Muizawl) te KS 100,000 ( US $ 105 ) tawh ki panpih hi.
February, 2010
AEC (Muizawl) te KS 100,000 ( US $ 103 ) tawh ki panpih hi.
March, 2010
AEC (Tedim) te KS 100,000 ( US $ 103 ) tawh ki panpih hi.
April, 2010
AEC ( Tedim) te KS 100,000 ( US $ 110 ) tawh ki panpih hi.
May, 2010
AEC ( Tedim) te KS 100,000 ( US $ 107 ) tawh ki panpih hi.
June, 2010
Pa Vial Ngaih Lian te innkuan sung pan, sang kah lai sin nau te teng ii sang vai ki saap na khem peuh ah zaat na ding US $ 440 tawh ki panpih hi.
July, 2010
Muizawl khua sung aa sang kah, KG- 4^th Grade sangnaupang 75 ai ding, Exercise Book – 34 Dozens, Pen – 9.5 Dozens, Pencil – 29 Dozens leh, 5^th Grade-8^th Grade sangnaupang 22 ai ding, Exercise Book – 27.5 Dozens, Pen – 13 Dozens, Pencil- 19 Dozens ki panpih hi. Sangnaupang vekpi aa ding, kum 1 sung aa a bei ding teng khempeuh a ki van sak gai a hi hi. A sum tang in, US $ 210 tung hi.
August, 2010
AEC te KS 213,400.00 ( US $ 220 ) tawh ki panpih hi.

A tung aa MEUS nasep sa te en kik leng, leitung mun tuamtuam aa Zomi kipawlna tuamtuam lak pan, kum 1 sung ah, pawlmi pha zah tawh ki tuak aa, na a sem pen, a pia khia ngam pen ki pawl na khat hi kha ding a hi hi. Muizawl te hanciam na angtang huai a hi hi. Deihsakna veina te tawh, it siit lo aa, a pia khia sanggam vekpi tung Topa'n thupha nam kim ong siam ta hen. A deihsak uh a hi, sanggam sangkah khangthak sangnaupang nau te teng in zong, khan' to na in, ong neih zawh nang, Topa'n ong siam ta hen.

Projects and Programs ( 2009-2010)

Posted by MEUS at 4:28 PM

Projects and Programs

PROJECTS AND PROGRAMS
	MEUS Khasim Nasepna, Kalsuan Zia leh Ngahna Zatna (2009-2010)
No	DATE	PARTICULAR	INFLOW	OUTFLOW
1	1^st November 2009	Pa Lian Khan Khual Nu Thang Zam Lun Tg Khup Lian Thang Tg Lian Thawn Pau	$ 50.00 $ 50.00 $ 50.00 $ 50.00
1	1^st November 2009	Monthly Sub Total :	$200.00	--------------
2	1^st December 2009	Pa Lian Khan Khual Nu Thang Zam Lun Tg Khup Lian Thang Tg Lian Thawn Pau	$ 50.00 $ 50.00 $ 50.00 $ 50.00
2	1^st December 2009	Monthly Sub Total :	$200.00	---------------
3	1^st January 2010	Pa Lian Khan Khual Nu Thang Zam Lun Tg Khup Lian Thang Tg Lian Thawn Pau AEC ( MUIZAWL)	$ 50.00 $ 50.00 $ 50.00 $ 50.00 -------------	$105.00
3	1^st January 2010	Monthly Sub Total :	$200.00	$105.00
4	1^st February 2010	Pa Lian Khan Khual Nu Thang Zam Lun Tg Khup Lian Thang Tg Lian Thawn Pau Monlthly Sub Total :	$ 50.00 $ 50.00 $ 50.00 $ 50.00 $200.00	---------------
5	1^st March2010	Pa Lian Khan Khual Nu Thang Zam Lun Tg Khup Lian Thang Tg Lian Thawn Pau AEC (MUIZAWL)	$ 50.00 $ 50.00 $ 50.00 $ 50.00 -------------	$206.00
5	1^st March2010	Monthly Sub Total:	$200.00	$206.00
6	1^st April 2010 11^st April 2010	Pa Lian Khan Khual Nu Thang Zam Lun Tg Khup Lian Thang Tg Lian Thawn Pau AEC (MUIZAWL)	$ 50.00 $ 50.00 $ 50.00 $ 50.00 -------------	$217.00
6	1^st April 2010 11^st April 2010	Monlthly Sub Total :	$200.00	$217.00
7	1^st May 2010	Pa Lian Khan Khual Nu Thang Zam Lun Tg Khup Lian Thang Tg Lian Thawn Pau	$ 50.00 $ 50.00 $ 50.00 $ 50.00
7	1^st May 2010	Monthly Sub Total:	$200.00	---------------
8	1^st June 2010	Pa Khai Khan Mang Pa Pau Khan Khup Pa Suang Sian Piang Tg Kam Suan Sing Pa Go Suan Mang Tg Hau Lang Zam Nu Cing Ngaih Ciin Nu Hau San Cing Pa Lian Khan Khual Nu Thang Zam Lun Tg Khup Lian Thang Tg Lian Thawn Pau Tg Cin Khan Kam Pa Vial Ngaih Lian' Naute Sang vai huhna	$100.00 $ 50.00 $ 50.00 $ 50.00 $ 30.00 $ 20.00 $ 20.00 $ 20.00 $ 20.00 $ 20.00 $ 20.00 $ 20.00 $ 20.00 --------------	$440.00
8	1^st June 2010	Monthly Sub Total :	$440.00	$440.00
9	17^th July 2010	Pa Khai Khan Mang Pa Suang Sian Piang Tg Kam Suan Sing Pa Go Suan Mang Tg Hau Lang Zam Nu Cing Ngaih Ciin Pa Lian Khan Khual Nu Thang Zam Lun Tg Khup Lian Thang Tg Lian Thawn Pau Tg Cin Khan Kam Muizawl Sangnaupang Laikung/dal Panpihna	$ 10.00 $ 20.00 $ 20.00 $ 20.00 $ 20.00 $ 20.00 $ 20.00 $ 20.00 $ 20.00 $ 20.00 $ 20.00 -------------	$210.00
9	17^th July 2010	Monthly Sub Total :	$210.00	$210.00
10	2oth August 2010	Pa Khai Khan Mang Pa Suang Sian Piang Tg Kam Suan Sing Pa Go Suan Mang Tg Hau Lang Zam Nu Cing Ngaih Ciin Pa Lian Khan Khual Nu Thang Zam Lun Tg Khup Lian Thang Tg Lian Thawn Pau Tg Cin Khan Kam AEC ( TEDIM)	$ 20.00 $ 20.00 $ 20.00 $ 20.00 $ 20.00 $ 20.00 $ 20.00 $ 20.00 $ 20.00 $ 20.00 $ 20.00 -------------	$220.00
10	2oth August 2010	Monthly Sub Total :	$220.00	$220.00
11	1^st November 2010	(MEUS kum (1) cin, Annual Audit bawlna pan, kum khat tawntung, sumluut zah/Inflow leh sumkhak zah/Outflow) Yearly Grand Total :	$2,270.00	$1,178.00
12	MEUS FUND BALANCE :		$872.00

MUITUIVON EDUCATION UPLIFT SOCIETY

It Na Tawh

Nidang Neino leh Tuhun Neino

Leitung Thupha, Vantung Thupha

MEUS Nasep Sa Te

Projects and Programs ( 2009-2010)

MEUS Annual Audit

Projects & Programs

MEUS World Wide

Articles, Views, and Opinions

Categories

MEUS Press

Followers

Profile

BlogBlogs

Search