MEUS
Aims and Objectives
A dang kipawl na tuamtuam te bang in, lai gual tampi tung ah, sep ding tampi a gual khol cih dan hi lo hi. MEUS tupna in, tom mahmah in, zaai mahmah hi. “Muituivon te pilna lam khan'to nang sep theih sep mawh tawh sep zawh tantan sem tawntung ding,” cih pen, MEUS Aims and Objectives hi pah hi. Pilna lam cih ciang in, laitan pilna bek a huam hi lo in, leitung pilna leh kivakna tuamtuam a hi, Music, Literature, Sports etc cih tuamtuam te leh, kam-mal aa lawh khiat nang a hamsa minam itna veina tawh kisai thu hoih a ki ci khempeuh tawh khan' to theih nang, MEUS ngimna hi.
Membership Criteria
MEUS kipawl na pen, nang mah bang aa Muituivon it sanggam teng kipawl na hi. Veina in itna ong tawsawn in, itna in kipumkhatna ong tawsawn to leuleu aa, kipumkhat na in gualzawhna ong ma tun pih hi. Sanggam aw, nang kiang pan sum le paai, tha le ngal, leh pilna siamna te sang, MEUS in veina thupi sa zaw hi. MEUS in nang ong ngaklah ta hi. Nang mun san ding, a awng tawntung hi. Nang lo in, picing ngei lo ding hi.
MEUS Executive committee
MEUS tanu te pen, nang mah bang aa, Muitui vontawi a it, a vei te bek hi aa, pilna, siamna, ciimna, theihna, leh neih leh lam bang mah a nei te hi lo hi. Leitung pilna sang nei zong ki hel lo hi. Hun awng a nei te cih dan zong hi peuh mah lo uh hi. Nuntaak nang zong, nisim naisim tha le ngal zang, gim le tawl tawh a ki pelh thei ngei lo te a hi hi. Bang mah nei kei mah ta le uh, Muitui vontawi te khan'to nang, kikum ki ho kha peuh leh, a lungnuam a lungkim na sanggam te a hi hi.
Possibility and Potentiality
A thei lo leh a thei lo bang cih ki makaih zo ding? Bang ci bang aa, lam sang zo tuan ding? Hi mah hi. MEUS tanu te veina, kin-na, deihsakna a tel lo leh a thei lo te, ki makaih zo lo mah ding aa, ki lam sang zo tuan lo mah ding hi. Decade khat sung ah, I dinmun te leh et kik le hang, mi dinmun te tawh et kak le hang, I nu-nung lam tak tel pan ding hi hang. Tua a hih leh, Muizawl Momno te mi ban zo lo ngiat maw.? A hih kei leh, a hai ngiat maw? Hi lo hi lawm. Muizawl Momno limlim a hih nak leh, mi theih zah, mi bat zah, a thei zo ding, a ban zo ding vive I hi hi. Singno khat ong no suah nop lai tak, a dawn ngek sat tan zaw ding maw, limtak aa, ong khuasuah nang, tui buak zaw ding.? Hih singno ong khan' the, a liim nuai ah, bang zah ta in tawl dam zen kha tam? Sanggam aw, piang thei ken the, tha dah huai cih dan te sang, I huan sung aa singno te ong khuasuak theih nang in, I hih theih tek tawh, khut khat khai khe khat khai in, mapang khawm ni..